Ինչպես երիտասարդանալ. 1in.am

Ինչպես փորձը ցույց է տալիս, կարևոր չէ, թե որքան արժեն դեմքի խնամքի միջոցները, կարևորը դրանց ճիշտ օգտագործելն է: Ճիշտ և ժամանակակից մաշկի խնամքը կանխում է կնճիռների առաջացումը, դանդաղեցնում է ծերացման գործընթացը:

Blog.1in.am-ը կկիսվի մաշկի ճիշտ խնամքի միջոցներով, որոնց հետևելով կարող եք հետ տալ ժամանակը:

Ինչպես ճիշտ հոգ տանել դեմքի մաշկի մասին

1. Մաքրում

Ըստ վիճակագրության, 10 կանանցից 4-ը պառկում են քնելու առանց դիմահարդարումը մաքրելու: Սակայն այս քայլը շատ կարևոր է:

Եվ այսպես, դեմքի մաշկը և պարանոցը պետք է մաքրել օրը երկու անգամ. առավոտյան՝ յուղերի ավելցուկից, և երեկոյան՝ փոշու հատիկներից, կոսմետիկայից և նման բաներից: Ընտրեք մաշկի տեսակին համապատասխան կոսմետիկ միջոցներ: Յուղոտ մաշկ ունեցողներին խորհուրդ է տրվում օգտագործել փրփուր կամ լվացող գել, իսկ չոր և զգայուն մաշկ ունեցողներն ավելի լավ է ընտրեն մաքրող կաթը (молочко):

Քսեք այդ միջոցները դեմքին՝ մերսումներ անելով, թողեք 20 վայրկյան և լվացեք դեմքը: Սևաներկը մաքրելու համար օգտագործեք հատուկ մաքրող հեղուկներ. դրանք արագ և նրբորեն լուծում են, հանում են սևաներկը՝ առանց աչքերը գրգռելու:

2. Տոնիկ

Մաշկը մաքրելուց հետո վերականգնելու համար օգտագործեք տոնիկ: Ընտրեք վիտամին C պարունակող տոնիկ, այն մաշկին ո՛չ միայն թարմություն կհաղորդի, այլ նաև կպաշտպանի մաշկը ազատ ռադիկալներից: Երիտասարդացնող հատկություն ունի վարդագույն ջուրը, այն կարելի է գնել դեղատներից. դա նաև բնական միջոց է:

3. Հագեցում, հարստացում

Մաշկի խնամքի հակատարիքային ծրագրի հիմնական կետը՝ շիճուկի օգտագործումն է: Որպես կանոն, այդ միջոցն իր մեջ ավելի մեծ քանակությամբ օգտակար նյութեր է պարունակում, քան քսուկները և գելերը:

Հատուկ բանաձևը թույլ է տալիս ակտիվ բաղադրիչներին խորը ներթափանցել վերնամաշկի տակ: Շիճուկներն ունենում են յուղային և ջրային հիմքեր, դրանք օգտագործում են տարբեր տեսակի մաշկի կոնկրետ խնդիրները խնդիրներից ազատվելու համար:

Շիճուկը քսեք դեմքին բարակ շերտով, օրը երկու անգամ: Որոշ երիտասարդացնող շիճուկներ պարունակում են ռետինոլ, որը մաշկը զգայուն է դարձնում արճի ճառագայթների նկատմամբ, այդ պատճառով տանից դուրս գալուց առաջ ուլտրամանուշակագույն ֆիլտր պարունակող քսուկ օգտագործեք:

4. Աչքերի շուրջ մաշկի խնամք

Մինչ շիճուկը ներծծվում է, հոգ տարեք աչքերի շուրջ մաշկի մասին: Շատերի կարծիքով սովորական քսուկները և գելերն այդ հատվածի համար չեն: Կոպերի մաշկը շատ բարակ և նուրբ է, դեմքի քսուկի բաղադրությունը կարող է չափազանց հագեցած լինել նրա համար և այտուցվածություն առաջացնել:

Կոպերի համար նախատեսված քսուկը քսեք մաշկին և թեթև շարժումներով տարածեք այն: Մատների բարձիկներով տպտպացրեք աչքերի շուրջ գտնվող մաշկին մեկ րոպե շարունակ: Եթե արդեն նկատվում են վառ արտահայտված կնճիռներ, ապա միայն քսուկը չի օգնի: Այդ դեպքում պետք կգան նաև լրացուցիչ միջոցներ՝ կոպերի համար նախատեսված շիճուկ, որը քսում են քսուկի տակից:

5. Խոնավեցում և սնուցում

Այժմ քսուկի հերթն է: Որակյալ միջոցները մաշկը փափկացնում, հարթեցնում և խոնավեցնում են: Ուշադրություն դարձրեք բաղադրությանը. հակատարիքային քսուկը պետք է պարունակի նիասինամիդ, ռետինոլ, հիալուրոնաթթու, ցողունային բջիջներ, պեպտիդային կոմպլեքս և ծծումբի բնական աղբյուր, ինչպես նաև հանգստացնող յուղեր, օրինակ, մասուրի կամ ժոժոբայի յուղ:

Սրանք մաշկի երիտասարդացման հիմնական քայլերն են: Ավելի լավ արդյունքի հասնելու համար շաբաթը 1-2 անգամ սկրաբ օգտագործեք և երիտասարդացնող դիմակներ՝ մաշկի տեսակին համապատասխան:

Հարցեր, պատասխաններ, մեկնաբանություններ